ಹಾಲುಣಿಸುವ ತಾಯಂದಿರ ಸ್ತನಗಳಲ್ಲಿ ನೋವು ಉಂಟಾಗುವುದನ್ನು ತಪ್ಪಿಸಲು ಹೀಗೆ ಮಾಡಿ

ತಾಯಿಯಾಗುವುದು ಪ್ರಪಂಚದ ಅತ್ಯಂತ ಸುಂದರವಾದ ಭಾವನೆಗಳಲ್ಲಿ ಒಂದಾಗಿದೆ. ಗರ್ಭಿಣಿಯಾಗಿರುವ, ಹೆರಿಗೆ ಹಾಗೂ ಬಾಣಂತನದ ಸಂದರ್ಭದಲ್ಲಿ ಆಕೆ ಅನೇಕ ನೋವುಗಳನ್ನು ಅನುಭವಿಸುತ್ತಾಳೆ.  ಚಳಿಗಾಲ ಹಾಗೂ ಇನ್ನಿತರ ಸಂದರ್ಭಗಳಲ್ಲಿ   ತಾಯಂದಿರ ಸ್ತನದಲ್ಲಿ   ಮರಗಟ್ಟುವಿಕೆ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದರಿಂದಾಗಿ, ಮಗುವಿಗೆ ಹಾಲುಣಿಸುವಾಗ ಸ್ತನ ನೋವು ಕಾಣಿಸಿಕೊಳ್ಳುತ್ತದೆ.  

ಕೆಲವೊಮ್ಮೆ ಸ್ತನದ ತೊಟ್ಟುಗಳಲ್ಲಿ ಹಾಲಿನ ಹರಿವಿನ ಕೊರತೆಯಿಂದಾಗಿ ಮತ್ತು  ಹಾಲು ಸಂಪೂರ್ಣವಾಗಿ ಖಾಲಿಯಾಗಲು ಸಾಧ್ಯವಾಗದ ಕಾರಣ, ಸ್ತನದ ತೊಟ್ಟುಗಳ ಸುತ್ತಲಿನ ನಾಳಗಳು ಮುಚ್ಚಲು ಪ್ರಾರಂಭಿಸುತ್ತವೆ, ಇದರಿಂದಾಗಿ ಹಾಲಿನ ಟ್ಯೂಬ್ ಬ್ಲಾಕ್ ಆಗಲು ಪ್ರಾರಂಭಿಸುತ್ತದೆ. ಅನೇಕ ಬಾರಿ, ಮಕ್ಕಳಿಗೆ ಹಾಲುಣಿಸುವಲ್ಲಿ ಹೆಚ್ಚು ಸಮಯ ತೆಗೆದುಕೊಳ್ಳುವುದು ಅಥವಾ ಸ್ತನ ಪಂಪ್  ಸಹಾಯದಿಂದ  ಸ್ತನಗಳಲ್ಲಿ  ಸಂಪೂರ್ಣ ಹಾಲನ್ನು ಪಡೆಯೋದ್ರಿಂದ  ಸ್ತನದಲ್ಲಿ  ನೋವು, ತುರಿಕೆ ಮತ್ತು ಮರಗಟ್ಟುವಿಕೆ ಉಂಟಾಗುವ ಸಾಧ್ಯತೆ ಇದೆ.  

ಮರಗಟ್ಟುವಿಕೆ  ಅಥವಾ ನಂಬ್ ನೆಸ್ ತಪ್ಪಿಸಲು, ಮುಖ್ಯವಾಗಿ ಮಗುವಿಗೆ ಕಾಲಕಾಲಕ್ಕೆ ಹಾಲುಣಿಸೋದು ಮುಖ್ಯ, ಅಷ್ಟೇ ಅಲ್ಲ ಸ್ತನ  ಪಂಪ್ ಸಹಾಯದಿಂದ ಹಾಲನ್ನು ಸಂಪೂರ್ಣವಾಗಿ ತೆಗೆದುಹಾಕುವುದನ್ನು ಮಾಡಬೇಕು. ನಿಪ್ಪಲ್ ಗಳಲ್ಲಿ ಬ್ಲಾಕೇಜ್  ಶೀತದಿಂದ ಉಂಟಾದರೆ, ಮಗುವಿನ ಹಾಲುಣಿಸುವಾಗ ಬೆಚ್ಚಗಿನ ಬಟ್ಟೆಗಳನ್ನು ಧರಿಸುವುದು ಮತ್ತು ಬೆಚ್ಚಗಿನ ಕೋಣೆಯನ್ನು ಆಯ್ಕೆ ಮಾಡುವುದು ಉತ್ತಮ.

ಹೈಡ್ರೇಶನ್ 

ಕೆಲವೊಮ್ಮೆ ನೀರಿನ ಕೊರತೆಯಿಂದಾಗಿ, ಹಾಲಿನ ಹರಿವು ಕಡಿಮೆಯಾಗಬಹುದು, ಆದ್ದರಿಂದ ಹೆಚ್ಚು ನೀರನ್ನು ಕುಡಿಯಬೇಕು. ಹೆಚ್ಚು ನೀರು ಕುಡಿಯುವುದರಿಂದ ನಿಮ್ಮ ದೇಹ ಹೈಡ್ರೇಟ್ ಆಗಿರುತ್ತೆ ಮತ್ತು ದೇಹದಲ್ಲಿ ಎಲೆಕ್ಟ್ರೋಲೈಟ್ ಗಳು ಸಹ ಹೆಚ್ಚಾಗುತ್ತವೆ. ಹಾಲುಣಿಸುವ ಮಹಿಳೆಯರಿಗೆ ವಿಟಮಿನ್-ಸಿ ಬಹಳ ಮುಖ್ಯ.  ಇದಲ್ಲದೆ, ಟೊಮೆಟೊ, ಹಸಿರು ಎಲೆ ತರಕಾರಿಗಳು, ಕ್ಯಾರೆಟ್, ಗೆಣಸು, ಬೀನ್ಸ್, ಚಿಯಾ ಬೀಜಗಳು, ಹಾಲು, ಬೀಜಗಳು,  ಏಪ್ರಿಕಾಟ್ಗಳು, ಕಲ್ಲಂಗಡಿಗಳು ಮತ್ತು ಸಿಟ್ರಸ್ ಹಣ್ಣುಗಳಂತಹ ಹಣ್ಣುಗಳನ್ನು ತಿನ್ನಬೇಕು, ಇದರಿಂದ ದೇಹವು ವಿಟಮಿನ್-ಸಿ ಅನ್ನು ಉತ್ತಮವಾಗಿ ಪಡೆಯಬಹುದು.

ಸ್ತನ್ಯಪಾನ ಮಾಡುವ ಮಹಿಳೆಯರು ಸೇವಿಸುವ ಯಾವುದೇ ಆಹಾರವು ಅವರ  ಎದೆ ಹಾಲಿನ ಮೇಲೆ ನೇರ ಪರಿಣಾಮ ಬೀರುತ್ತದೆ. ಅದಕ್ಕಾಗಿಯೇ ಕಚ್ಚಾ ಮಾಂಸ, ಮಸಾಲೆಯುಕ್ತ, ಜಂಕ್ ಫುಡ್  ಎಣ್ಣೆಯುಕ್ತ ಆಹಾರ, ಸಕ್ಕರೆಯನ್ನು ಒಂದು ನಿರ್ದಿಷ್ಟ ಮಿತಿಗಿಂತ ಹೆಚ್ಚು ತಿನ್ನಬಾರದು. 200 ಮಿಗ್ರಾಂಗಿಂತ ಹೆಚ್ಚು ಕೆಫೀನ್ ಸೇವಿಸಬೇಡಿ. ಅಂತಹ ಊಟವು ಹಾಲಿನ ರಚನೆಯನ್ನು ಕಡಿಮೆ ಮಾಡುತ್ತದೆ ಆದ್ದರಿಂದ ಅಂತಹ ಆಹಾರ ಮತ್ತು ಕೆಫೀನ್ ತಿನ್ನುವುದನ್ನು ತಪ್ಪಿಸಿ.

ಸ್ತನದ ಹಾಲಿನ ಬ್ಲಾಕೇಜ್ ಗೆ ಚಿಕಿತ್ಸೆ ನೀಡುವುದು ಹೇಗೆ?

ಸಂಪೂರ್ಣ ಆಹಾರಕ್ರಮ

ಹಾಲುಣಿಸುವ ಮಹಿಳೆಯರು ಸಹ ತಮ್ಮ ಆಹಾರದ ಬಗ್ಗೆ ವಿಶೇಷ ಗಮನ ಹರಿಸಬೇಕು, ಇದರಿಂದ ಹಾಲಿನ ಉತ್ಪಾದನೆ ಸರಿಯಾಗಿರುತ್ತದೆ. ಸ್ತನ್ಯಪಾನ ಮಾಡುವ ತಾಯಂದಿರು ವಿಟಮಿನ್ ಗಳು, ಕ್ಯಾಲ್ಸಿಯಂ, ಕಬ್ಬಿಣ, ಒಮೆಗಾ -3 ಕೊಬ್ಬಿನಾಮ್ಲಗಳು ಮತ್ತು ಇತರ ಪೋಷಕಾಂಶಗಳನ್ನು ಹೊಂದಿರುವ ಆಹಾರ ಸೇವಿಸಬೇಕು. ಎಲ್ಲಾ ರೀತಿಯ ಜೀವಸತ್ವಗಳು ಮತ್ತು ಖನಿಜಗಳಿಂದ ಸಮೃದ್ಧವಾಗಿರುವ ಆಹಾರವು ಮಹಿಳೆಯರ ದೇಹವನ್ನು ಆರೋಗ್ಯಕರವಾಗಿರಿಸುತ್ತದೆ ಮತ್ತು ಹಾಲು ಸಹ ಉತ್ತಮವಾಗಿ ಉತ್ಪತ್ತಿಯಾಗುತ್ತದೆ.